As almas do fental. Chantada, Galicia, o cine, e o mundo rural

Xa facía que non escribía por aquí, pero entre as últimas proxeccións como a do venres pasado en Lugo e as que están por vir (algunhas xa pechadas por Galicia adiante) e que iremos anunciando a través do noso facebook e twitter, non tiven moito tempo de facer un artigo en condicións.

Ademais, pensaba “volver por estes lares” con outra cousiña (que me gardarei para máis adiante), sen embargo, o domingo apareceu unha noticia que ben merecía un post no noso blog.

Continue reading “As almas do fental. Chantada, Galicia, o cine, e o mundo rural”

Advertisements

ASOLAGADOS: Making Of

Antes de comezar, darvos MILES E MILES DE GRAZAS pola acollida de ASOLAGADOS durante a estrea na Praza do Cantón de Chantada o pasado 14 de agosto.

Pouco a pouco faremos máis proxeccións e enviando o documental a festivais. Iremos informándovos. Xa sabedes que nos imos lentos, pero seguros 😉

Hoxe, para ir abrindo setembro, deixámosvos co MAKING OF’, o ‘COMO SE FIXO’, o ‘ASÍ SE GRAVOU o noso documental: ASOLAGADOS’. Aquí veredes ós nosos protagonistas: EDUARDO, ANTONIO, LUISA, SEGUNDO, AURORA, MACHINA, JOSÉ RAMÓN, FERNANDO, FIDELINA, EVANGELINA e Norman (‘Fervenza Restaurante e Casa Rural de Lugo’).  Continue reading “ASOLAGADOS: Making Of”

Asolagados, o trailer

Xa vos avisabamos a finais de xullo que proximamente rexurdirían do Miño os pobos asolagados polo encoro de Belesar.

E hoxe traémosvos outro “aviso”: o noso trailer para que vaiades “abrindo boca” antes da estrea de Asolagados o próximo mércores 14 de agosto, ás 22:00 horas no Cantón de Chantada. Despois disto, ídesvos perder a presentación de Asolagados? 😉

Fernando Morán, a voz en off!

David director e Fernando Morán

Fáltannos sete días para a estrea e andamos a correr dun sitio para outro cos últimos arranxos.

Un destes foi a voz en off! Para este labor, escollemos a Fernando Morán, coñecido actor da escena galega, que xa anteriormente viñera facer varias curtas a Chantada co noso director.

Para nós foi un pracer escoitar como narraba o guión. Xa non queda nada para que o desfrutedes vós tamén!

ASOLAGADOS

ASOLAGADOS Estrea Documental

‘Coa auga ó pescozo’ presenta: ASOLAGADOS.                                     Pois aquí estamos, xa era hora de que vos comunicásemos a presentación oficial do documental, a nosa data de estrea! Será dentro da ‘XX Semana de Cinema de Chantada’ (marcádeo ben no voso calendario!):

MÉRCORES 14 de AGOSTO ás 22:00 horas, Praza do CANTÓN, CHANTADA

e como vos adiantamos a principios de xullo, o documental finalmente terá un nome distinto ó blog e ó equipo (‘Coa auga ó pescozo’). ASOLAGADOS representa a todas as persoas, historias e pobos da ribeira que permanecen mergullados nas augas do noso río Miño, pero que nunca estiveron mortos e agora máis que nunca reviven para quedarse con nós para sempre.

 

Descubre os segredos do Río Miño…

Nas augas dos ríos escóndense peixes, pedras, árbores… pero tamén camiños, lembranzas, vidas… asolagadas…

Sumérxete con nós ata as profundidades e DESCUBRE OS SEGREDOS DO MIÑO… 

PRÓXIMAMENTE…

A Ribeira

Para algunhas persoas o seu país é España, para outras Galicia, e hai xente que ‘non ten país’, que di ser simplemente cidadán do mundo.
Se eu tivera que describir de ónde son, mellor directamente preguntaríalle ós demais: ós que me coñecen moito ou pouco porque rapidamente responderían:
de CHANTADA, ‘Corazón de Galicia’ Esta é a miña terra, o meu país, a miña xente que levo no corazón, que non é peor nin mellor ca outros, pero que defendo con unllas e dentes porque é onde “nacín” e onde “pacín”; como se diría lembrándome do refrán.
E paradoxalmente, eu, que son “montañesa”, como diría un dos nosos protagonistas que coñeceredes no seu momento; sempre adorei a Ribeira, a nosa Ribeira Sacra en xeral, e a chantadina en particular …
A verdade é que teño estado en case tódalas ‘Feiras do Viño’ desde que nacín. E espero estar na deste ano que se celebra en breves: 9, 10 e 11 de marzo, pero realmente non entendo moito de viños. Estou comezando a aprender a saborealos. Co paso dos anos un vai preparando o padal para apreciar as cousas boas.
Moitas veces oín ó meu pai falar de cómo se poda, da trasfega, do bullo… verbas todas elas relacionadas co proceso de elaboración do caldo, pero nunca estiven presente nelas. Poucas veces fun á vendima dalgún coñecido, porque como dixen antes: son “monañesa” e sen ribeira…
E sen embargo algo hai aló abaixo preto do río Miño que me chama continuamente para que vaia visitar esa paisaxe, coñecer toda a súa historia e segredos… Pouco a pouco vou coñecendo todo o que mostra a Ribeira, o xeral, e cada vez máis os detalles pequenos…
Algún día plantarei vides, podarei as cepas, recollerei as uvas e prepararei un viño “made in feito en Pereira” , pero namentres voume conformando con ir bebendo os nosos mencías e facendo documentais cos que intentar desenterrar o mergullado pola auga na Ribeira que rodea a todo o encoro de Belesar (que xa non é pouco).