ASOLAGADOS en A Pobra do Brollón, Santiago de Compostela, A Coruña e MADRID 2014!!!

Moi Feliz Ano a tod@s ribeiraos!!!

Esperamos que forades moi bos e que o Papa Noel, Apalpador e/ou Reis, se portasen moi ben con vós 😉

Ultimamente estamos moi atarefados a nivel profesional (cousa que se agradece moito nos tempos que corren). Húmber e Luis volveron ós seus traballos despois das vacacións. O director e Lucía, unha das nosas colaboradoras, convertíronse en socios na procura de novas aventuras audiovisuais. (Moita sorte!). E eu ando descubrindo novos camiños.  A ver no dá todo isto e espero que me siga permitindo seguir falándovos de #Asolagados de vez en cando.

Pero hoxe non viñen por aquí para falarvos de min nin das nosas vidas. Isto non é o lugar. Aquí o primordial son os nosos protagonistas e o noso “fillo” #Asolagados!

E hoxe tráemosvos o agasallo de Reis prometido. As proxeccións de #Asolagados para xaneiro e febreiro (as que hai por agora confirmadas).

Anotade ben porque entre elas hai unha que costou, pero aquí está: fóra de Galicia!!!

A Pobra do Brollón  11 xaneiro 2014 na Casa da Cultura ‘Olga Novo’ ás 20:00 horas

Santiago de Compostela  18 xaneiro 2014 Museo do Pobo Galego ás 17:00 h.

MADRID 27 xaneiro 2014 na Casa de Galicia ás 19:00 h.

Coruña 8 febreiro 2014 no CGAI ás 18:00 h.

DOCUMENTAL ASOLAGADOS tagxedo2

Estamos contentísimos sempre por cada proxección que facemos, pero a de MADRID é especial. Levar o documental para que a xente o vexa alí vai ser incrible! Porque levámonos #Asolagados subtitulado así que tanto galegos como non galegos poderedes vir a velo.

A que esperades? Vide e/ou avisade a tódolos vosos amig@s e familia a que veñan ver o documental que por falta de pobo/cidade onde ir a velo non será!

Seguide atentos ó noso facebook e twitter porque segundo se achegue cada unha delas xa vos informamos a través das nosas redes coma sempre 🙂

Advertisements

Carballiño, Portomarín e Taboada estarán ben ASOLAGADOS este decembro 2013!!!

Pensabades que en decembro non iamos falar máis do documental? Pois se tiñades esta idea estabades ben equivocados. A xira de #Asolagados continúa 🙂 Collede papel e lapis, móbil… ou gravádeo directamente na cabeza:

ASOLAGADOS Proxeccións Decembro

CARBALLIÑO: este próximo venres 13, invitados polo ‘Cineclube Carballiño’, no Auditorio Municipal, por partida dobre: 20:00 e 23:00 horas. Os que saian tarde de traballar non teñen escusa, porque ó segundo pase chegan de sobra.. hehe.

– PORTOMARÍN: a próxima fin de semana: sábado 21 de decembro ás 18:30 horas na Casa da Cultura (convidáronnos para presentar o documental dentro das ‘Xornadas sobre a Historia de Galiza’.)

– TABOADA: a última fin de semana do ano, o sábado 28 de decembro ás 18:00 horas no Bar ‘Mario’.

Continue reading “Carballiño, Portomarín e Taboada estarán ben ASOLAGADOS este decembro 2013!!!”

ASOLAGADOS en Vigo, Monforte, Ourense e Ferreira de Pantón 2013!!!

Se a semana pasada anunciabamos que #Asolagados se proxectará a próxima semana dentro do ’18 Festival Internacional de Cine de Ourense’, se logo vos ensinabamos as fotografías da proxección na igrexa de Segán, hoxe agarrádevos ben porque veñen curvas 😉

Esta semana “ímonos de xira coma a Panorama” jeje. Si porque xa podedes anotar ben as datas. A partir deste sábado estaremos en todos estes lugares:

ASOLAGADOS Vigo Monforte Ourense Pantón

– VIGO!!!, NO MARCO (Museo de Arte Contemporánea de Vigo) dentro da programación do 11 Aniversario do MARCO. Este sábado 16 de novembro ás 17:00 horas da tarde queremos ver a tódolos vigueses na proxección-coloquio eh? Non vos esquezades. Contaremos coa intervención dos noso director: David Vázquez e do noso guionista: Afonso Eiré.

Ademais, casualidades da vida (ou non), cando falamos co MARCO sobre esta proxección, comentáronnos que xustamente había unha exposición chamada VERANEANTES onde Olmo Cuña expón ata marzo do 2014, unha obra chamada SOLAGO que fala tamén sobre as vilas e as vidas asolagadas, pero achegándose máis á liña fina que hai entre o progreso, a modernidade, e os restos, a tradición o que está debaixo, o que quedou “asolagado” polas novas construcións e o suposto “avance”. En concreto, este traballo fala da ‘Illa de Toralla’, de cómo se construíu enriba dun castro da Idade do Ferro a Torre de Toralla. Nós esperamos ter tempo para ver esta exposición e esta obra en concreto! Animámosvos a que fagades o mesmo!

Continue reading “ASOLAGADOS en Vigo, Monforte, Ourense e Ferreira de Pantón 2013!!!”

ASOLAGADOS viaxa ó ’18 Festival Internacional de Cine de Ourense’

Como nos gusta isto das sorpresas e de contarvos cousas boas 🙂 E qué temos de novo para que ademais acabe facendo un post no blog? Pois que #Asolagados por fin se estrea no mundo dos festivais de cine!!!

En dúas semanas: o 20-N ás 22:30 no ‘Teatro Principal de Ourense’, o noso documental #Asolagados estará presente no ’18 FESTIVAL DE CINE INTERNACIONAL DE OURENSE’, dentro das SECCIÓNS PARALELAS no apartado de PANORAMA GALICIA. Se pinchas aquí verás a información do documental e do director que aparece na imaxe que adxuntamos neste post!

Asolagados Festival Cine Ourense

Despois disto, só me queda dicirvos que vos esperamos o próximo 20-N en Ourense! Coloquio non haberá este día porque esas xa non son horas de facelo, pero algún de nós irá ver a película alí en persoa! Polo que esperamos vervos a todos, sobre todo ós ourensáns e achegados que algún que outro díxonos que tiña moitas gañas dunha estrea de #Asolagados na terra dos afiadores. E esta é a oportunidade que non vos podedes perder!

ASOLAGADOS: Making Of

Antes de comezar, darvos MILES E MILES DE GRAZAS pola acollida de ASOLAGADOS durante a estrea na Praza do Cantón de Chantada o pasado 14 de agosto.

Pouco a pouco faremos máis proxeccións e enviando o documental a festivais. Iremos informándovos. Xa sabedes que nos imos lentos, pero seguros 😉

Hoxe, para ir abrindo setembro, deixámosvos co MAKING OF’, o ‘COMO SE FIXO’, o ‘ASÍ SE GRAVOU o noso documental: ASOLAGADOS’. Aquí veredes ós nosos protagonistas: EDUARDO, ANTONIO, LUISA, SEGUNDO, AURORA, MACHINA, JOSÉ RAMÓN, FERNANDO, FIDELINA, EVANGELINA e Norman (‘Fervenza Restaurante e Casa Rural de Lugo’).  Continue reading “ASOLAGADOS: Making Of”

Asolagados, o trailer

Xa vos avisabamos a finais de xullo que proximamente rexurdirían do Miño os pobos asolagados polo encoro de Belesar.

E hoxe traémosvos outro “aviso”: o noso trailer para que vaiades “abrindo boca” antes da estrea de Asolagados o próximo mércores 14 de agosto, ás 22:00 horas no Cantón de Chantada. Despois disto, ídesvos perder a presentación de Asolagados? 😉

Asolagados, cartel final!

FaAsolagadosi uns días contabámosvos que Lomarti estaba facéndonos o cartel do documental, e que ó final, a punto da estrea, iamolo desvelar.

Pois aquí o tedes: pintado por Lomarti e co deseño tipográfico de Alba Sánchez, a que tamén creou o noso logotipo e algunha cousiña máis que xa veredes dentro da película…

Quedou máis que xenial, a que si? Moitas grazas artistas!!!