O vello Portomarín

O vello Portomarín

Estes días vimos nos xornais que o concello de Portomarín anda na procura de fotografías do vello pobo que quedou asolagado despois da construción do encoro de Belesar. Instantáneas que se colocarán nunha web para recuperar a memoria do que está afogado nas augas do Miño.

Vendo isto, lembrámonos cando a finais de marzo deste ano, dous de nós, foramos ó ‘Museo Provincial de Lugo’ para escoitar e ver  o número 32 da revista oral O Pazo das Musas que desta volta chamábase:

Nas transparencias do Miño (Memorias do vello Portomarín)

Quedamos marabillados coa música de Os Minhotos, coas imaxes esquecidas do vello Portomarín vistas en varios documentais: Lugo al día (1955), Portomarín’ (1960), El hombre y el agua (1963) e sobre todo coas fotografías de Pepe Pereira. El retratou tanto á xente recollendo as súas pertenzas, como o traslado da igrexa pedra por pedra, a auga subindo e anegando as rúas da vila, a ponte vella…

Chegamos ó acto sabendo, como é sabido por tódolos galegos, lucenses, e sobre todo ribeiraos e mariñeiros de auga doceque Portomarín foi a cola da presa, o máis grande dos pobos asolagados polo encoro de Belesar. Pero alí tamén escoitamos unha vez máis, que a súa igrexa románica de San Juan, declarada ‘Monumento Nacional’ no 1931, foi reconstruída no novo Portomarín despois de que se desmontasen e montasen unha por unha, as súas 7.484 pedras dunha vila á outra. Isto non impedíu que a vila fora anegada. Ó igual que non o fixo o feito de que en 1946 declararan á vila de Portomarín como ‘Conxunto Histórico-Artístico’.

Despois de facer un “repaso fugaz” do que tiña o vello Portomarín; só nos queda deixarvos como “conclusión” unhas imaxes de Mercedes L. Rubín e unha montaxe dela e Amio Cajander  comparando  o vello e o novo Portomarín, a ponte asolagada e a actual, o antes e o agora… Pinchade aquí: http://volviendovistaatras.blogspot.com.es/2011/08/portomarin-50-anos-despues.html

Advertisements

Autor: kris pereiras

Aprendiz da vida real e virtual. Intentando ser unha Community Manager entre o rural e o urbano. Publicidade, Turismo e Audiovisual. Embaixadora de Chantada. Amante da Ribeira Sacra. Montañesa que quere ser ribeirá.

2 thoughts on “O vello Portomarín”

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s